Ano ang Mangyayari 'Pag Namatay Ka?

Bawat isa sa atin ay may araw ng kamatayan.

Pero ano ang nangyayari 'pag namatay ang isang tao?

Ang pagkamatay ba basta tapos na lang ang buhay mo?  Yung katawan mo magiging alabok, tapos yun na yun?  Tapos ang kwento?

O may mangyayari pa pagkatapos mong mamatay?

Ano kaya kung nagtutuloy pa ang buhay?

Ito ang mga naisip ng tao na pwedeng nangyayari pagkatapos ng kamatayan:

(1) Ipapanganak ka ulit sa ibang pagkatao, o kaya mabubuhay ka bilang hayop o bagay.  Tapos mamamatay ka ulit.  Tapos ipapanganak ka ulit.  Tapos mamamatay ka ulit... Paulit-ulit lang hanggang magkaroon ka ng kaliwanagan at magiging parte ka na ng daigdig.

(2) Magiging multo ka, o maglalakbay sa kadiliman.

(3) O baka naman titingnan kung gaano kabait ka nung buhay ka pa.  At kung mas matimbang yung mga nagawa mong maganda kaysa sa mga masama mong nagawa, panalo ka!

Ito nga lang ang problema:  Kung buhay ka pa, hindi mo masisiguro kung ano talaga ang mangyayari--PWERA NA LANG KUNG MAY TAONG NAMATAY TAPOS NABUHAY ULIT PARA SABIHIN SA ATIN KUNG ANO ANG TOTOO.

Sabi ng mga naniniwala kay Hesus, yun mismo ang ginawa Niya.  Kung totoo 'yan, Siya lang ang pwedeng magpakita sa atin ng maliwanag na mangyayari 'pag namatay tayo.

Sabi ni Hesus, mayroong langit, pero sabi rin Niya may impyerno.  Ano ngayon?  Importante ang desisyon mo kung maniniwala ka dito, dahil dito mo lang masasagot kung handa ka na sa kamatayan, base sa kung ano ang pinaniniwalaan mo.

Walang nakakaalam kung kelan siya mamamatay.  Pero pag tiningnan mo yung iba-ibang konsepto kung ano ang pwedeng mangyari pagkatapos ay hindi nagtutugma sa isa't isa.  Magkakaiba sila, nagsasalungatan.  Kung tama yung isa, ibig sabihin mali yung iba.

Alin ang tama?

Isa lang ang kakaiba:  Si Hesukristo lang ang naging tao na nabuhay ulit pagkatapos mamatay.  Pero bakit Niya ginawa ito?  Kasi yun lang ang paraan para makasiguro tayo na magkaroon ng buhay pagkatapos mamatay.

"Ngunit ang mga ito'y nangasulat, upang kayo'y magsisampalataya na si Hesus ay ang Kristo, ang Anak ng Dios; at sa inyong pagsampalataya ay magkaroon kayo ng buhay sa Kaniyang pangalan." - Juan 20:30

Gusto mo bang makasiguro sa buhay na sinasabi ni Hesus?

BUHAY NA WALANG HANGGAN.  BUHAY NA HINDI NAKASALALAY SA KABUTIHAN MO PERO SA KABUTIHAN NIYA.

Handa ka na ba para sa buhay na walang hanggan?  Sigurado ka bang mayroon ka nito sakaling mamamatay ka na?

PWEDE KANG MAGING HANDA.

Paano?

Ang tao natural na makasalanan.  Sabi sa Roma 3:23, "Sapagkat ang lahat ay nangagkasala nga, at hindi nangakaabot sa kaluwalhatian ng Dios;"

Ang masaklap, yung kasalanan, yan ang hadlang sa pagitan mo at ng Dios.

"Sapagkat ang kabayaran ng kasalanan ay kamatayan," sabi sa Roma 6:23.

Yung kamatayan na yun ang pagitan, ang hadlang.

Ang masaya, pwede ngang imbes na kamatayan, buhay na walang hanggan.

Pag tinuloy mo yung Roma 6:23, ito: "datapwa't ang kaloob na walang bayad ng Dios ay buhay na walang hanggan kay Kristo Hesus na Panginoon natin."

Yung kamatayan, parusa ng kasalanan.  Pero hindi mo kailangang pagdusahan yung parusa na yun, dahil may nagbayad na dyan.  Yun ang ginawa ni Hesus sa krus - binayaran ang parusa sa kasalanan natin.

"Datapuwa't ipinagtagubilin ng ios ang Kaniyang pag-ibig sa atin, na ang tayo'y mga makasalanan pa, si Kristo ay namatay dahil sa atin," ang nakasulat sa Roma 5:8.

Hindi lang 'yon, pero may regalo pa Siya para sa 'yo, 'yung buhay na walang hanggan.

Naniniwala ka ba dito? Gusto mong kunin 'yung regalo na 'yun?

Ito ang sabi sa Roma 10:13, "Sapagka't, Ang lahat na nagsisitawag sa pangalan ng Panginoon ay mangaliligtas."

Ibig sabihin, tatawag ka kasi naniniwala ka at gusto mong maghanda sa kamatayan mo.

Ipanalangin mo ito (sa sarili mong salita kung gusto mo, basta yung totoo lang sa puso mo):

"Mahal na Dios, salamat po sa pagkakataon na manalangin sa iyo at sabihin sa iyo na may mga kasalanan akong nagawa sa Inyo.  Naintindihan ko po na yung kasalanan ay ang hadlang sa akin at sa Inyo, at ito ay may parusang kamatayan, kaya humihingi po ako ngayon ng tawad sa Inyo sa mga kasalanang nagawa ko.  Naniniwala po ako na si Hesus ay namatay para sa akin, na Siya na ang nagbayad sa parusa ng mga kasalanan ko, at Siya ang may dala ng regalo mo sa aking buhay na walang hanggan.  Tinatanggap ko po si Hesukristo sa aking puso bilang aking Tagapagligtas, at tinatanggap ko ang dala Niyang buhay na walang hanggan.  Maraming salamat po sa lahat ng ito, sa pangalan ng Panginoong Hesus, Amen."

Juan 11:25

"Sinabi sa kaniya ni Hesus, Ako ang pagkabuhay na maguli, at ang kabuhayan: ang sumasampalataya sa akin, bagamat siya'y mamatay, gayon ma'y mabubuhay siya;"

Nanalangin ka ba?  Mag-email ka sa akin: rgsayson@gmail.com.

Gusto mo pang maunawan ito?  Panoorin mo ito: "MABUTI KA BANGTAO?" sa  https://www.youtube.com/watch?v=7F_Bbjfe4gE

MABUHAY KA!

(Based on What Happens When I Die)